REGISTRES DU BUREAU

[i54i]

XXIL— Delireration.— Voyage pour les xxxiiiim cix livres xvii sols iii deniers tournois

DEMANDEZ PAR LE Roy.

16 juillet i54i. (Fol. 21.)

Du xvi^e jour de Juillet mil v° quarante et ung.

En assemblée ce jourd'uy faicte en l'Ostel de la Ville de Paris de Mess™ les Conseillers d'icelle, pour ayiser sur aucunes urgens affaires de lad. Ville; en laquelle se sont Irouvez :

Mons^r le Prevost des Marchans, de Montmirel ;

Le Comte, Parfaict, Le Gras et Courtin, Eschevins ;

Mess™ Viole, Tronson, G. Lelieur, de Hacqueville, de Thou, Prevost, T. de Bragelongne, Bouchart, Luillier, Courtin, T. de Montmirel et Morin, Conseillers d'icelle Ville;

Après ce que mond. s^r le Prevost des Marchans a remonstré à lad. compaignée que, à la derreniere assemblée faicte le n° jour de juillet derrenier passé pour le faict des xxxuii" cix livres xvii solz iii deniers tournois, qui est la valleur d'une année du revenu des dons et octroys et deniers commungs, speciallement destinez pour les fortiffications et reparations de lad. Ville, fut advisé que mond. s^r le President Luillier et mons^r de Villabry, Conseillers d'icelle Ville, yroient faire les remonstrances au Roy contenues en lad. deliberacion dud. jour, et que allors de lad. assemblée, led. Luillier dist pour ses excuses l'empeschement et occupation qu'il avoit à la Chambre du Conseil pour les affaires du Roy, et qu'il auroit depuis requis aucuns de mesd. s^rs les Conseillers presens, mesmes mons^r d'Athis qui auroit pareillement allegué ses excuses legitimes et raisonnables ;

par quoy voyant le temps se passer sans executer lad. deliberacion, auroit esté mandé lad. compaignée pour adviser qu'il estoit bon de faire. Après aussi que -M* Leonard Poart, notaire et secretaire du Roy et procureur dud. seigneur et d'icelle Ville, estant oud. bureau et assemblée, a remonstré à lad. compaignée, qu'il estoit detenu d'une griefve maladie de flux de ventre qui le travaille principalement de nuyt, au moyen de laquelle a prié lad. compaignée que leur plaisir feust l'excuser d'y aller pour le present, et autres empeschemens qu'il a requis declairer plus amplement; a esté conclud en lad. assemblée et esleu pour y aller sire Guillaume Le Gras, et avec luy le Procureur du Roy et. de lad. Ville; lequel Le Gras a aussi remonstré qu'il y a esle trois moys et n'en faict que de revenir, comme bien scet lad. compaignée et qu'il luy seroit impossible pour le present d'y aller, suppliant lad. compaignée l'en voulloir excuser de present. Sur quoy a esté dit par les des-susdiclz que Mess™ du Bureau y adviseront entre eulx et feront dilligence d'y aller ou envoyer.

Et quant à certaines lettres que a escriptes à lad. Ville et Conseillers d'icelle, Monseigneur le Chancelier pour raison de l'office de Conseiller de Ville pour mons^r Budé, filz de feu mons' de Marly, a esté conclud que on fera les excuses par ung mesme moyen le plus doulcement et gratieusement qu'il sera possible, ou luy en rescripre lettres.

XXIII. — Rapport du voyage susdict. — Assemblée.

23 août i54i. (Fol. 22)").

Du lundi xxiii⁰ jour d'Aoust mil cinq cens quarante et ung®.

En assemblée le jourd'uy faicte en l'Ostel de la Ville de Paris de Mess" les Conseillers d'icelle, pour oyr la responce des depputtez par led. Conseil tenu en lad. Ville, le 11^e jour de Juillet derreniçr passé, pour le faict de la somme de xxxim" cix livres xvii solz ni deniers tournoys demandez par le Roy

à lad. Ville pour une année du revenu des dons et octroys de lad. Viile ; en laquelle se sont trouvez :

Mess" de Montmirel, Prevost des Marchans;

Le Gras, Courtin, de Bragelongne et Perrot⁽³⁾, Eschevins;

Viole, R. Lelieur, M. de Bragelongne, Courtin, de Thou, Lecomte, Conseillers d'icelle Ville;

Après les remonstrances faictes par mond. s^r le

C Le dernier tiers du fol. 21 v° est demeuré en blanc.

'2) ll y a erreur dans cette date, sur le nom du jour; on doit rétablir ttniardi 23 aoûtn, comme c'est indiqué expressément dans l'article qui suit.

(3> L'élection des deux échevins, Thomas de Rragelongne et Nicolas Perrot, en remplacement d'Antoine Le Comte et de Jean Parfait, dont il n'est point fait mention dans le Registre, avait eu lieu le 16 août.